ППУ СТУДЕНТТЕРІ ТУРИСТІК ОЛИМПИАДАСЫНЫҢ ЖЕҢІМПАЗЫ АТАНДЫ

20.10.2022

Бүгін ИнЕУ-де студенттердің «Туризм алға» атты туристік олимпиадасы өтті. Онда ППУ намысын қорғап барған география және тарих білім беру бағдарламасының студенттерінен құрылған «Саяхат» командасы бірінші орынды, «Ақбет» командасы үшінші орындарды еншіледі. Жеңімпаз атанған студенттер мен оқытушыларды құттықтаймыз.

География және химия білім беру бағдарламасының жетекшісі Мұрабек Омаровтың сөзінше, ППУ командалары Павлодар облысының туризмін дамуы туралы жобасын қорғаған. Сондай-ақ, туристік нысандар бойынша сұрақтарға жауап беріп, шығармашылық тапсырмалар орындады.

-Олимпиада төрт бөлім бойынша өтті: Олар - таныстыру, сұрақ-жауап, үй тапсырмасы және шығармашылық конкурс. Жарыс жоғары деңгейде өтті. Мұндай конкурстардың студенттер үшін пайдасы зор. Олардың шығармашылық қабілеттерін дамытып, зерттеушілік дағдыларын қалыптастыруға көмектеседі, - дейді Мұрабек Қапбасұлы.

«Ақбет» командасының мүшесі Дана Ануарбекова өздерінің кезегінде Ақбеттау жотасына апарар жолдың жобасын әзірлеп, қорғағанын айтады. Осылайша жоба сарапшылардың көңілінен шығып, жүлдегерлер қатарынан көрінді.