ППУ СТУДЕНТТЕРІ РЕСПУБЛИКАЛЫҚ ЧЕМПИОНАТТАН АЛТЫННАН АЛҚА ТАҒЫНДЫ

20.09.2022

Павлодар педагогикалық университетінің Өнер және спорт жоғары мектебінің гимнастшылары Алина Сәрсембаева мен Виктория Бутолина Алматыда  батутта секіруден жастар арасында өткен республикалық чемпионатқа қатысып,  4 алтын және 2 қола медаль жеңіп алды.

Жарысқа Қазақстанның 9 облысынан 170-тен астам спортшы қатысты. Павлодар намысын арқалап барған ДШжС-32 студенті Алина Сәрсембаева Қазақстанның үш дүркін чемпионы атанды: қос мини-батут бойынша жеке біріншіліктен, шағын батут бойынша командалық біріншіліктен және синхронды батут бойынша жеке біріншіліктен сәтті өнер көрсетті. ФКС-12 тобының студенті Бутолина Виктория батутта секіру бойынша жеке біріншіліктен чемпион, ал синхронды суға секіруден және батутта командалық біріншілікте қола медальдардың иегері атанды.

Спортшыларды өнер және спорт жоғары мектебінің профессоры Евгений Бронский дайындайды. Гимнастшылар мен жаттықтырушысын кезекті жеңістерімен құттықтап, алдағы уақытта да спорттық жетістіктер тілейміз!