ППУ СТУДЕНТТЕРІ ПРЕЗИДЕНТТІҢ АЛҒЫС ХАТЫМЕН МАРАПАТТАЛДЫ

14.12.2022

Әлкей Марғұлан атындағы Павлодар педагогикалық университетінің бірқатар студенті ҚР Президенті Қасым-Жомарт Кемелұлы Тоқаевтың Алғыс хатымен марапатталды.

Біздің белсенді студенттер әр саладағы қоғамдық жұмыстарға араласып, өздерін жақсы жағынан көрсетіп келеді. Мысалы бірқатар студент еріктілер жасағында еңбек етті. Кейбіреуі күздегі кезектен тыс Президент сайлауының сәтті өтуіне үлес қосты. Сонымен қатар, жақында Екібастұз қаласында орын алған төтенше жағдайға байланысты құрылған еріктілер қатарына қосылып, жұмысшыларға және тұрғындарға көмек көрсетті. Міне, студенттеріміздің осы секілді ерлікке пара-пар еңбегін ел Президенті де жоғары бағалап, арнайы Алғыс хат ұсынды.

Студенттерге осындай белсенділіктері үшін "Аманат" партиясы жанындағы “Жастар Рухы” жастар қанаты да Алғыс хат табыстап, сый-сияпат көрсетті. Сонымен Айбек Жүсіп «Жыл батыры», Мадияр Әшір «Ең креативті», Гүлнұр Мұратбекова «Университеттің үздік төрағасы», Әлімғазы Диас «Үздік волонтер» номинацияларымен марапатталды.