ППУ СТУДЕНТІ «ЖАС БАРЫС» ТУРНИРІНІҢ КҮМІС ЖҮЛДЕГЕРІ АТАНДЫ

19.12.2022

Ә.Марғұлан атындағы Павлодар педагогикалық университеті Өнер және спорт жоғары мектебінің ДШжС-33 тобының студенті Алдияр  Айтмұхамбетов Астана қаласында өткен қазақ күресінен республикалық «Жас барыс» турнирінің күміс жүлдегері атанды.

Жарыстар үш жас санаты бойынша өтті: жасөспірімдер, ұлдар және жастар. «Жас барыс» турнирі қазақша күресті елімізде кеңінен насихаттау және өскелең ұрпақты ұлттық спорттың осы түріне тарту, сондай-ақ еліміздің жас спортшыларының спорттық шеберлік деңгейін арттыру мақсатында өткізілуде.

Жарысқа еліміздің әр өңірінен мыңнан астам спортшы қатысты. Дүбірлі дода нәтижесінде Айтмұхамет Алдияр 84 келі салмақ дәрежесі бойынша ІІ орынды жеңіп алып, жарыстың күміс жүлдегері атанды.

Спортшыны өнер және спорт жоғары мектебінің оқытушысы Темірболатов Қайрат Баязитұлы жаттықтырады.

Алдияр мен оның бапкерін республикалық жарыстардағы табысты өнерлерімен құттықтап, алдағы уақытта да спорттық жетістіктер тілейміз!