ППУ ОҚЫТУШЫСЫ МЕКТЕП МҰҒАЛІМДЕРІНЕ СЕМИНАР ӨТКІЗДІ

20.04.2023

Қ.Сәтбаев атындағы дарынды балаларға арналған гимназияда география пәнін оқытудың ғылыми-әдістемелігі бағытында семинар өтті. Ә.Марғұлан атындағы ППУ жаратылыстану жоғары мектебінің аға оқытушысы, география магистрі Мұрабек Омаров «Картография мен топографиядан практикалық тапсырмалар» тақырыбындағы практикалық семинарын жүргізіп, өзінің тәжірибесімен бөлісті. Онда топографиялық карта, карта масштабы, масштаб түрлері, топографиялық картаны парақтау, топографиялық картада практикалық есептер жөнінде мағлұматтар берді. Ұстаздар осы бағытта практикалық жұмыстар жасап, өздеріне қажетті құнды мәліметтер алып, пікір алмасты.

География ғылымының кандидаты Ph.D, Л.Н. Гумилев атындағы Евразия Ұлттық университеті ғалымы Қанат Бауыржанұлы География сабақтарында ГАЖ және ЖҚЗ технологияларын қолдану мүмкіндігі» тақырыбындағы вебинарда жаңа технологияларды қолдану туралы мазмұнда ақпарат берді. Ұстаздар осы жаңа технологиялар негізінде курстар жүргізіліп, осы бағытта жұмыс істейтін ғалымдармен семинарлар жиі өткізілсе деген ұсыныстар айтты.