ППУ ОҚЫТУШЫСЫ ITEC СТИПЕНДИАТТАРЫМЕН КЕЗДЕСТІ

27.09.2022

Гуманитарлық ғылымдар жоғары мектебінің қауымдастырылған профессоры, PhD докторы Айгүл Садықова Қазақстандағы Үндістан елшілігімен бірлесіп ұйымдастырылған ITEC Day шарасына қатысты. Шараға еліміздің әр түрлі қалаларынан Үнді үкіметінің қаржыландыруымен оқитын ITEC бағдарламасының стипендиаттары жиналды. Оған Үндістанның Қазақстандағы елшісі Шубдаршини Трипати ханымның өзі келіп, барша білім алушыларды құттықтады.

ITEC - Үндістанның техникалық және экономикалық ынтымақтастық бағдарламасы, 1964 жылы іске қосылған. Қазақстан Үндістанмен 1992 жылдан бастап осы аталған бағдарламасы арқылы серіктес болуда. Содан бері 1300-ге жуық Қазақстан азаматтары түрлі білім салалары бойынша стипендиат атанды.

Шара барысында қатысушылар өз ойларын ортаға салып, тәжірибе алмасты.

-Бұл Үндістанның Қазақстанның елшілігінің ұйымдастыруымен ITEC бағдарламасы стипендиаттары үшін жыл сайын өтетін шара. Мен осы 2018 жылы осы бағдарламаның стипендиаты атанған болатынмын. Басты мақсатымыз – әріптестермен байланыс орнатып, тәжірибе алмасу, - деді Айгүл Садықова.