ППУ ЖАТТЫҚТЫРУШЫСЫ А.МОРОЗОВТЫҢ ШӘКІРТІ ЖҮЗУДЕН ҮШ АЛТЫН МЕДАЛЬ ЖЕҢІП АЛДЫ

27.06.2022

Павлодар қаласы «ERTIS OLYMPIC» жүзу бассейнінде кіші жас топтары арасында жүзуден қалалық ашық чемпионаты өтті. Сайысқа 2010, 2011, 2012  жылдары туған балалар қатысты. 

Бұл спорттық жарысқа ППУ Өнер және спорт жоғары мектебінің аға оқытушысы Морозов Артём Александровичтің шәкірті Никита Усов қатысып, университет намысын абыроймен қорғап шықты. Усов Никита бірден үш қашықтықта өнер көрсетті. Жарыс қорытындысы бойынша ол барлық жарыстарында сәтті өнер көрсетіп, бірінші орындарды жеңіп алды. 100 пайыздық жоғары нәтиже көрсеткен жас спортшы қазылар алқасының және көрермендердің ыстық ықыласына бөленді. Ол барлық қашықтықты рекордтық көрсеткіштермен аяқтады. 

Жаттықтырушысы Артем Александрович пен оның шәкірті Никитаны құттықтаймыз және оларға жаңа жеңістер тілейміз!