ППУ-ДА «МЕНІҢ ТӘУЕЛСІЗ ҚАЗАҚСТАНЫМ» БАЙҚАУЫ ӨТІП ЖАТЫР

08.12.2022

Әлкей Марғұлан атындағы Павлодар педагогикалық университетінде «Менің Тәуелсіз Қазақстаным» атты бейнелеу және сәндік-қолданбалы өнер байқауы өтіп жатыр. Байқауға 7-11 сынып оқушылары, колледж және жоғары оқу орын студенттері қатысуда. Ұйымдастырушы - Павлодар педагогикалық университеті өнер және спорт жоғары мектебінің «Көркем еңбек, графика және жобалау» білім беру бағдарламасы. Университет оқытушысы Индира Ғадылбекқызының сөзінше, байқауға қазақ қолөнерінің үш бағытында жұмыстар қабылданды. Яғни, «Бейнелеу өнері», «Сәндік-қолданбалы өнер», «Мүсіндеу» аталымы бойынша.

- Бүгінгі байқауға жас қолөнер шеберлері көп қатысуда. Мақсатымыз – жас шеберлердің талантын шыңдау, таныту. Сонымен қатар, мектеп оқушыларына университетте жасалған мүмкіндіктерді көрсету. Түскен жұмыстардың сапасы өте жоғары, - децді педагогика ғыылмдарының докторы, профессор Мәнсия Алинова.

Ертең байқау қорытындысы жарияланып, жеңімпаздары марапатталады.