ППУ ҰЖЫМЫ ЖУРНАЛИСТЕРДІ КӘСІБИ МЕРЕКЕСІМЕН ҚҰТТЫҚТАДЫ

28.06.2022

Бүгін – байланыс және ақпарат саласы қызметкерлерінің күні. БАҚ өкілдерінің осы кәсіби мерекесіне орай Павлодар педагогикалық университетінің ұжымы журналистерді құттықтады. Атап айтқанда «Ертіс медиа» ЖШС қарасты облыстық «Сарыарқа самалы», «Звезда прииртыщья» газеттерінің, облыстық «Павлодарньюс» АА-нің, облыстық «Halyq radiosy»-ның және облыстық «Ertis» «Ирбис» телеарналарының ұжымына ППУ Басқарма төрағасы-Ректор Жанбол Жилбаевтың атынан құттықтау Алғыс хаттары берілді. Алғыс хаттарды ППУ тәрбие жұмысы және әлеуметтік мәселелер жөніндегі проректоры Мақсат Нығманов табыстап, әр ұжымға бүгінгі күнге дейін қалыптасқан әріптестік байланыс үшін жеке-жеке ризашылығын білдірді. Сонымен қатар, Салауат Темірболатұлы, Құндыз Қабылденова, Марина Кисенко, Оразбек Саяхат, Оңғар Нұрахметов, Гүлсім Қобжанова, Дәулет Қошқарбаев, Жанна Юн, Гүлнигара Нұрғалиева сынды журналистерге де жекелей марапаттар табысталды.

- Біздің басылым Павлодар педагогикалық университетімен ежелден бері жақсы іскерлік қарым-қатынаста жұмыс істеп келеді. Тіпті, кейбір әріптестеріміз сол оқу орнында білім алды. Сондықтан, ППУ-да орын алған жақсы жаңалықтарды жариялауға, оқырманмен бөлісуге әрдайым дайынбыз. Болашақта да тығыз байланыста жұмыс істейміз деп ойлаймын. Журналистер қауымының кәсіби мерекесіне орай құрмет көрсеткендеріңіз үшін ұжым атынан алғыс білдіремін, - деді облыстық «Сарыарқа самалы» газетінің бас редакторы Нұрбол Жайықбаев.