ППУ "Таза табиғат" жалпыұлттық жобасын қолдады

24.04.2021

2021 жылдың 24 сәуірінде Павлодар педагогикалық университеті "Таза табиғат" жалпыұлттық жобасы аясында экологиялық сенбілікке қатысты.

Университет студенттері мен оқытушылары Успен көпірінен мұсылман зиратына дейінгі аумақты қоқыс пен былтырғы жапырақтардан тазартты. Көктемгі сенбілікке 100-ден аса белсенді қатысушылар бел сыбана кірісті.

Ал ЖОО-ның декандары, оқытушылары мен қызметкерлері оқу корпустарының аумағын тазалап, жасыл желектерді абаттандырып, жиектастарды ақтады.

Сенбілікке қатысушылар үшін жастар саясаты департаментінің қызметкерлері ыстық шай мен жаңа піскен кондитерлік өнімдермен сенбілікке қатысушыларға сый көрсетті.