ППУ студенті нашақорлықтың алдын алуға және із-түзсіз жоғалған адамдарды іздеуге көмектескені үшін марапатталды

05.04.2021

Павлодар педагогикалық университетінің өнер және спорт жоғары мектебінің «Музыкалық білім» білім беру бағдарламасының студенті Абикеев Жанат «Running Pavlodar» салауатты өмір салты қозғалысының қатысушыларымен бірге белсенді қоғамдық ұстанымы және жастар мен жасөспірімдер арасындағы нашақорлықтың, панасыздықтың және қадағалаусыз қалудың алдын алу мәселелері бойынша полиция бөлімшелеріне көрсеткен көмегі үшін Павлодар облысы полиция департаменті бастығы Н. Мәсімовтің бұйрығымен Алғыс хатпен марапатталды.

Сондай-ақ із-түзсіз жоғалған адамдарды іздестіруге белсенді қатысқаны үшін Павлодар және Ақсу қалаларының «Vita», «LIDER KZ», «ЛЕГИОН 14» іздеу жасақтарының командаларына грамоталар табыс етілді. 2021 жылы полиция департаментімен біріккен ынтымақтастықтың арқасында 30 жоғалған адам табылды, олардың ішінде 6 бала болды.