ППУ СПОРТШЫЛАРЫ ПАУЭРЛИФТИНГТЕН АЗИЯ ЧЕМПИОНАТЫНАН 16 МЕДАЛЬ ӘКЕЛДІ!

09.12.2022

Дубайда аяқталған классикалық пауэрлифтингтен Азия чемпионатында Әлкей Марғұлан атындағы Павлодар педагогикалық университетінің спортшылары 11 алтын және 5 күміс медаль жеңіп алды!
Жарыстар 1-8 желтоқсан аралығында өтіп, оған 29 азия және араб елдерінен 700-ге жуық спортшы қатысты.

Біздің университет пен колледжден Қазақстан Республикасы Ұлттық құрамасының сапында Өнер және спорт жоғары мектебінің студенттері Олеся Жиляева мен Вадим Плахотников, оқытушылар Ксения Окатенко мен Регина Мейер қатысты.

ДШжС-22 тобының студенті Вадим Плахотников 74 келіге дейінгі салмақта жарыстың барлық түрінде және қорытынды нәтижеде төрт күміс медальді жеңіп алды.

Жарыстар қорытындысы бойынша классикалық пауэрлифтингтен Ксения Окатенко мен Олеся Жиляева өз санаттарында теңдесі жоқ Азия чемпиондары атанды!

Павлодар педагогикалық университетінің Өнер және спорт жоғары мектебінің оқытушысы, қазіргі спортшы Окатенко Ксения Валерьевна қыздар арасында «open» категорияда (84 келіден жоғары салмақ дәрежесі) абсолютті чемпион атанды. Жалпы ұпайда сәйкесінше ол «алтынға» ие болды!

Жарыстың барлық түрінен 52 келі салмақ дәрежесінде ДШжС-12 тобының студенті Олеся Жиляева да алтыннан алқа тағынды. Сондай-ақ оның қоржынында скват, стендтік пресс және жатып жүк көтеруде жалпы нәтиже үшін төрт алтын медаль!

Павлодар педагогикалық университетінің М.Қанапьянов атындағы жоғары колледжінің оқытушысы Мейер Регина Евгеньевна скват және стендтік прессте бірінші орындарды, сондай-ақ тік көтеруден екінші орынды жеңіп алды. Нәтижесінде ол жеңіске жетіп, өз салмағында жарыс жеңімпазы атанды!

Спортшыларды Қазақстан Республикасының еңбек сіңірген жаттықтырушылары Прокопенко Иван Валерьевич пен Прокопенко Андрей Валерьевич жаттықтырады. «Біздің спортшылар Азия чемпионатында жақсы өнер көрсеткеніне өте қуаныштымыз. Нақты бес қоюға болады!», - деді пауэрлифтингтен Павлодар облысы құрамасының бас бапкері Иван Прокопенко.

Спортшыларымызды және олардың жаттықтырушыларын осындай ауқымды жарыстардағы салтанатты жеңістерімен шын жүректен құттықтап, алдағы уақытта да биік белестерден көріне берулеріне тілектеспіз!