ППУ ректорының грантына өткізілген облыстық олимпиада жеңімпаздары белгілі болды

05.05.2021

Бүгін Павлодар педагогикалық университетінде жаратылыстану-математика бағытындағы пәндер бойынша ППУ ректорының грантына облыстық олимпиаданың жеңімпаздары мен қатысушыларын марапаттау рәсімі өтті. Салтанатты шараға 11 сынып оқушылары мен мектеп мұғалімдері қатысты.

Павлодар педагогикалық университеті жыл сайын Павлодар облысының 11 сынып оқушылары арасында математика, физика, химия, биология және география пәндерінен облыстық пәндік олимпиадасын өткізеді. Олимпиаданың басты мақсаты – мұғалім мамандығын таңдаған талантты жастарды ынталандыру және оларға қолдау көрсету болып табылады.

Олимпиада жеңімпаздарына таңдаған мамандығы бойынша толық грант бөлінеді (ҰБТ-дан шекті 75 балл алу керек). Олимпиадада 2 және 3 орын алған жүлдегерлер оқуға 50% және 25% жеңілдік алады, сондай-ақ болашақта студенттерді қолдау бағдарламаларына қатысу мүмкіндігіне ие болады.

Олимпиада қорытындысы бойынша ректор грантына ие болған оқушылар:

Кабдрахманов Альтаир, Павлодар қаласы, № 25 орта мектебінің 11 сынып оқушысы;  

Алигожина Анар Екібастұз қаласы, Абай атындағы № 28 мектебінің оқушысы;

Төлеген Ақерке, Баянауыл ауданы, Майқаин кентінің № 1 мектебі;

Есенғали Дария,  Павлодар қаласы №37 жалпы орта білім беру мектебінің 11 «Б» сынып оқушысы;

Теміржан Әлмира, Ақтоғай ауданы білім беру бөлімінің «Мүткенов атындағы жалпы білім беру мектебі» оқушысы.

Білім жарысында жүзден жүйрік, мыңнан тұлпар атанған бүгінгі жеңімпаздарды шын жүректен құттықтайыз! Алдағы уақытта келе жатқан сындарлы сынақ – Ұлттық бірыңғай тестілеуден сүрінбей өтіп, тезірек ППУ студенті атануға тілектеспіз!