ППУ ПРОФЕССОРЫ А.С. ПУШКИН МЕДАЛІМЕН МАРАПАТТАЛДЫ

05.01.2021

«МАПРЯЛ» Президиумының шешімімен көпжылдық табысты ғылыми-педагогикалық қызметі үшін, орыс тілі мен мәдениетін дамытуға және оны көпшілікке дәріптеуге қосқан үлесі үшін филология ғылымдарының докторы, ППУ гуманитарлық ғылымдар жоғары мектебінің профессоры Әтіргүл Агманова А.С. Пушкин медалімен марапатталды.

А.С.Пушкин медалі мәдениет пен өнер, гуманитарлық ғылымдар, әдебиет саласында мәдени мұраны зерттеп, насихаттауға және ағартуға қосқан үлесі үшін, зиялы қауым және ЖОО оқытушыларына табысталатын халықаралық жоғары марапат. Бұл медальді кемінде 20 жыл ғылыми-педагогикалық және қоғамдық қызметпен айналысқан ғалымдар ғана ала алады.

ППУ профессоры Әтіргүл Агманованың ғылыми еңбектері отандық және шетелдік әріптестерінің лайықты бағасын алды. Павлодар педагогикалық университетінің ұжымы Әтіркүл Егембердіқызын жоғары марапатымен құттықтап, алдағы жылы жаңа ғылыми және шығармашылық жетістіктер тілейді.