ППУ оқытушылары мен студенттері қалалық сенбілікке қатысты

17.04.2021

Павлодар педагогикалық университетінің студенттері, оқытушылары мен қызметкерлері қала аумағын тазартуға көктемдік сенбілікке қатысты.

Бүгінгі сенбілік Павлодардың барлық орталық көшелері мен аулаларын тегіс қамтыды. Университет тазалайтын территорияға Торайғыров көшесі – Айманов көшесінен бастап Назарбаев даңғылына дейінгі аралық бекітілді.

Қолдарына тырна, күрек, жұмыс қолғаптарын, қоқыс пакеттерін алып, студенттер оқытушылармен бірге бекітілген аймақты қала қоқысынан және құлаған жапырақтардан тазалауға белсенді түрде кірісті.  

- Павлодар педагогикалық университетінің ұжымы қала тазалығын қолдайды. Қалалық сенбілікке қатысу – студенттерді ізгілікке, жақсы сауапты іс жасауға бағыттайды. Әрбір сенбілікке қатысушы студент, оқытушы болсын өзінің ортасын қоқыстан тазарту арқылы өзінің кішкене Отанына, жеріне сүйіспеншілігін оятады, - дейді ППУ-дың тәрбие жұмысы және әлеуметтік мәселелер жөніндегі проректоры Ольга Андрющенко.   

Сондай-ақ сенбілікке қатысқан ЖОО қызметкерлері университет аумағында және жұмыс кабинеттерінде тазалық жұмыстарын жүргізді. Сенбілікке барлығы 200-ден астам адам қатысты.