ППУ оқытушылары AgriEco Erasmus + аймақтық тобы құрамында тренингтерге қатысты

11.06.2021

Ағымдағы жылдың 31 мамыры мен 4 маусымы аралығында Павлодар педагогикалық университетінің оқытушылары Алпысбай Нұрболат Алпысбайұлы мен Құлахметова Мергуль Сабитовна университет магистранттарымен бірге AgriEco Erasmus + аймақтық тобы құрамында «Ауыл шаруашылығындағы жаңа кәсіпкерлік идеялар қалыптастыру – уақыт тенденциясы» тақырыбы бойынша тренингтерге қатысты.

Erasmus+  – бұл Еуропалық Одақтың білім беру, кәсіптік оқыту және жастар арасындағы спорт пен ынтымақтастықты қолдауға бағытталған жаңа бағдарламасы. AgriЕco интенсивті оқыту бағдарламасының мақсаты – агрокәсіпкерлік саладағы түсініктер мен білімді дамытуға, оны жетілдіру мен шоғырландыруға ұмтылатын тыңдаушыларға пәнаралық және жан-жақты білім беру болып табылады.

ППУ оқытушылары да ZООМ платформасы арқылы аталмыш тақырып бойынша бейнеконференция ұйымдастырып, өз ойларымен бөлісті. Тыңдаушылар мен жаттықтырушылар АgriЕco жобасының қазіргі ғылым мен білім беру саласындағы өзектілігін атап өтті. Жиынды қорытындылай келе, онлайн-кездесудің барлық қатысушылары AgriEco Trakia University үйлестірушілеріне, әсіресе, Дарина Заимоваға өз алғыстарын білдірді.

Сондай-ақ, өңірлік топ жетекшілері жобаны дайындауға және оны өткізуге көмек көрсеткені үшін ППУ ректоры Жанбол Октябрович Жилбаевқа ризашылдықтарын білдірді.