ППУ ЖӘНЕ ОРТА АЗИЯ ЕЛДЕРІ УНИВЕРСИТЕТТЕРІ АРАСЫНДАҒЫ ЫНТЫМАҚТАСТЫҚ КҮШЕЙЕДІ

13.05.2022

Павлодар педагогикалық университенінің ректоры Жанбол Жилбаев Алматыдағы Әл-Фараби атындағы қазақ ұлттық университетінде өткен Орталық Азия елдері ректорларының форумына қатысты. Халықаралық деңгейдегі маңызды жиында Орта Азия елдері жоғары оқу орындарының ректорларымен кездесіп, білім-ғылым саласындағы маңызды мәселелерді талқылады. Форум ҚР Білім және ғылым министрі Асхат Аймағамбетовтің алғысөзімен ашылды.

Осы жиын барысында Павлодар педагогикалық университеті мен Өзбекстан және Қырғызстан университтерімен бірқатар келісімшарттарға қол қойылды. Атап айтқанда, Атап айтқанда, Қоқан мемлекеттік педагогикалық институтының (Өзбекстан) ректоры Жураев Нұрбек Садуллаұлыымен, Бердақ атындағы Қарақалпақ мемлекеттік университетінің (Өзбекстан) ректоры Реймов Ахмет Мамбеткаримұлымен, Джизак мемлекеттік педагогикалық институтының (Өзбекстан) ректоры Шарипов Шавкат Сафапұлымен және Тыныстанов атындағы Ыстықкөл мемлекеттік университетінің (Қырғызстан) ректоры Иманбаев Асқарбек Асанғазыұлымен маңызды келісімшарттар жасалды.

Орталық Азия елдері университеттерімен жасалған ынтымақтастық келесі бағыттар бойынша жүзеге асырылады:

• бакалавриат пен магистратурада екі дипломдық білім беруді дамыту;
• студенттер мен оқытушылардың академиялық ұтқырлығын дамыту;
• магистранттар мен докторанттардың ғылыми тағылымдамадан өтуін ұйымдастыру;
• бірлескен ғылыми жобаларды жүзеге асыру.

Мұндай ынтымақтастық келісімшарттар шетелдік серіктес университеттермен халықаралық ынтымақтастықты кеңейтуге, оқу үдерісіне шетелдік ғалымдарды тартуға, шетел ғалымдарымен бірлескен ғылыми мақалалар, оқулықтар мен монографиялар дайындауға, шетелдік серіктес университеттерден білім беру бағдарламалары бойынша сараптамалық қорытындылар алуға мүмкінідк береді.