ППУ КІТАПХАНАСЫНДА «ЖОҒАРЫ МЕКТЕП КҮНІ» ӨТКІЗІЛДІ

24.02.2021

Бүгін Е.Бекмаханов атындағы ғылыми кітапханасының оқу залында гуманитарлық ғылымдар жоғары мектебінің профессорлық-оқытушылық құрамына арналған «Жоғары мектеп күні» ақпараттық іс-шарасы өткізілді. Іс-шараның басты мақсаты – мұғалімдерге кітапхананың ресурстары мен қызметтері туралы, сонымен қатар білім беру бағдарламалары бейініндегі жаңа басылымдар туралы ақпар беру.

Жоғары мектептің оқытушылар мен студенттеріне кітапхана қызметкерлері тарапынан жоғары мектеп мамандықтары бойынша жаңа әдебиеттер тізімі көрсетілді. Кітапхананың ақпараттық мүмкіндіктері туралы мәлімет берілді, электронды каталогпен және қашықтықтан жұмыс істеуде дерекқор базасы бойынша кеңестер өткізілді.

Іс-шараға қазақ тілі мен әдебиеті кафедрасының меңгерушісі Ы.Б.Шақаман, ф.ғ.к., доцент А.Д.Әміренов, "Орыс тілі мен әдебиеті" ББ ғылым және интернационалдандыру жөніндегі вице-деканы Н.Қ. Каршығанов, деканның оқу жұмысы жөніндегі орынбасары О.К.Андрющенко және гуманитарлық ғылымдар жоғары мектебінің оқытушылары мен қызметкерлері қатысты.

Қатысушыларға философия, әлеуметтану, психология, экономика, менеджмент, тарих, дінтану, лингвистика, антропология, инновация салаларынан «Жаңа гуманитарлық білім. Қазақ тіліндегі 100 жаңа оқулық» бағдарламасы бойынша оқулықтар ұсынылды.

Е.Бекмаханов атындағы ғылыми кітапханасы