ППУ-ҒА 11-СЫНЫП ОҚУШЫЛАРЫ КЕЛДІ

31.10.2022

Павдодар педагогикалық университетіне Успен ауданы мектептерінің 11 сынып оқушылары келді. Мақсаты – 2022-2023 оқу жылындағы мектеп түлектеріне кәсіби бағдар беру, Павлодар педагогикалық университетімен таныстырып, мүмкіндіктерін көрсету.
ППУ қабылдау комиссиясы хатшысының орынбасары Алмас Қайыргелдиновтің айтуынша, университетпен танысуға 80-ге жуық оқушы келген.

- Мектеп оқушыларын университетке шақырудағы мақсатымыз – болашақта дұрыс таңдау жасауына бағыт бағдар беру. Сонымен қатар, Павлодар педагогикалық университетінің мүмкіндіктерін көрсету. Біздің университет білім алушыларға төрт деңгейлі білім береді. Яғни, колледж, бакалавр, магистратура және докторантура. Барлық мамандықтар төрт жоғары мектепке бөлінген. Ең бастысы университет түлектері 100 пайыз жұмыспен қамтылады, - деді Алмас Қайыргелдинов.

Сонымен қатар, кездесу барысында өнер және спорт жоғары мектебінің, гуманитарлық ғылымдар жоғары мектебінің, педагогика жоғары мектебінің және жаратылыстану ғылымдары жоғары мектебінің өкілдері өздерінің білім беру бағдарламалары туралы толық ақпарат берді.

Түлектердің кездесуі университетке экскурсиямен жалғасты. Қонақтар оқу орнының барлық оқу корпустарын, жатақхана ғимараттарын, спорт кешендерін аралап көрді.