ППУ ФУТБОЛИСТЕРІ ҚР КУБОГЫН ЖЕҢІП АЛДЫ

27.10.2022

Атырау қаласында 2004-2005 жылы туған жастар арасында футболдан Қазақстан Республикасы Кубогының финалдық кезеңі аяқталды. Ала доп бәсекесінде Павлодар педагогикалық университеті өнер және спорт жоғары мектебінің студенттері бар құрама команда бірінші орынды еншіледі. Команда құрамында Кузнецова Артема (ФКС-14), Шевчук Владислав (ФКС-16), Муслим Закария (ФКС-18) сынды ойыншылар бар.

Павлодарлық «Ақсу» футбол орталығының тәрбиеленушілері финалда 4 матч өткізіп, барлығынан басым түсті.

Осылайша, жігіттер 2022 жылғы маусымда Қазақстан Республикасының кубогын жеңіп алды!

Айта кету керек, бұл Ақсудың 19 жасқа дейінгі командасы үшін биылғы бірінші жүлде емес. Көктемде Алексей Сорокиннің шәкірттері республикалық «Арман» турнирінің чемпионы атанса, жазда бозбалалар Қазақстан чемпионатының қола жүлдесін жеңіп алды.

Команданы, жаттықтырушылар құрамын және бүкіл футбол орталығын жетістігімен құттықтаймыз!

Финалдық кезеңдегі ойындар нәтижесі мынадай:

Ақсу-Астана 2-1
Гол салғандар: Сарсенбай Ерасыл, Закария Муслим

Ақсу-Кайсар 2-0
Гол салғандар: Абай Надир, Моисеев Родион

Аксу-Атырау 2-0
Гол салғандар: Сарсенбай Ерасыл, Божко Сергей

Аксу-Ордабасы 2-0
Гол салғандар: Закария Муслим, Абай Надир