ППУ-ДЫҢ БІРІНШІ КУРС СТУДЕНТТЕРІ ҮШІН "ZERO WASTE" БАЙҚАУЫ ӨТТІ

18.03.2021

Наурыз мерекесі қарсаңында жаратылыстану Жоғары мектебінің бірінші курс студенттері үшін "Zero waste" байқауы ұйымдастырылды. Байқаудың негізгі мақсаты – студенттерде "Zero waste" тұжырымдамасы туралы түсінік қалыптастыру: оның негізгі идеясы – табиғатта қайта қолдануға болатын заттарды пайдалану арқылы шығарылатын қоқыс мөлшерін азайту болып табылады. Студенттер байқауда тұрмыстық қалдықтардан (пластик, қағаз және т.б.) жасалған 3D плакаттар мен қолөнер бұйымдарын көрсетті. Комиссия плакаттардың тақырыпқа сәйкестігін, ойдың өзіндік ерекшелігін, ақпараттылығын, орындалу сапасын бағалады. Жеңімпаздар 1, 2 және 3 дәрежелі Алғыс хаттармен марапатталды.  Байқауға барлық мамандық студенттері белсенді қатысты.