ППУ-да облыстық пән олимпиадасы өткізілді

13.04.2021

2021 жылы 12 сәуірде Павлодар педагогикалық университетінің жаратылыстану жоғары мектебі ЖОО-ға дейінгі және кәсіптік бағдар беру жұмысы бөлімімен бірге облыстық пән олимпиадасын өткізді. Математика, физика, биология, химия, география пәндерінен 11 сынып оқушылары арасында өткізілетін облыстық олимпиада – дарынды жастарды қолдауға бағытталған жыл сайынғы дәстүрлі іс-шара. Жаратылыстану жоғары мектебінің деканы Алиясова В.Н., деканның орынбасары Габдуллин Е.С., білім беру бағдарламасының жетекшісі Мұқанова Р.Ж. құттықтау сөз сөйледі.

Оқушыларды олимпиадаға дайындаған жетекшілеріне Е.Бекмаханов атындағы кітапхана ұжымы жаратылыстану-математикалық цикл бойынша басылымдарының көрмесін көрсетіп, Жастар саясаты департаменті студенттік филармонияның қатысуымен шағын концерт ұйымдастырды.  

Железин ауданының №3 орта мектебінің, №2 Чернорецкая орта мектебінің, Екібастұз қаласының №28 орта мектебінің, Абай атындағы Ақтоғай ауданының орта мектебі, Май ауданының Қаратерек орта мектебі, Павлодар қаласындағы №25, №33, №37, №20 мектептерінің оқушылары олимпиадаға белсенді қатысты.

Олимпиада әділқазыларының шешімімен 1-орын Ақтоғай ауданы, Мүткен орта мектебінің оқушысы Теміржан Әлмираға берілді. 2-орын Екібастұз қ. Абай ат. орта мектебінің оқушысы Алигожина Анарға,  ал 3-орын Павлодар қаласының №25 орта мектебінің оқушысы Қабдрахманов Альтаирға бұйырды.