ППУ-да Қабылдау комиссиясы ашылды

02.06.2021

2021 жылдың 1 маусымынан бастап Павлодар педагогикалық университетінің Қабылдау комиссиясы биылғы жылдың түлектері мен талапкерлерін білім беру саласындағы педагогикалық мамандықтар бойынша күндізгі оқу формасы мен қашықтықтан білім алуға шақырады.

Қабылдау комиссиясы барлық білім деңгейлері мен дайындау бағыттарына білім гранты негізінде және ақылы негізде үміткерлерді оқуға қабылдау, қабылдау емтихандарын жүргізу және құжаттарды қабылдауды ұйымдастыру, оқуға түсу үшін барлық қажетті құжаттарды рәсімдеу және өзге де сұрақтар бойынша жұмыс жүргізеді.
Кеңестік көмек беру және түсіндіру жұмыстары барлық мүдделі тұлғаларға (ата-аналар, талапкерлер, туыстары және т.б.) қызмет көрсетіледі. Мемлекеттік білім беру гранттарын тағайындау, бакалавриат, магистратура, докторантураға түсу бойынша маңызды даталар университеттің әлеуметтік желілерінде мерзімімен жарияланып отырады.
Сіздерді Мир көшесі 60 мекенжайы бойынша (ППУ спорт кешені) күтеміз.