ППУ ғалымдары үш жоба бойынша ҚР Білім және ғылым министрлігі гранттарын жеңіп алды

25.05.2021

Ғылым комитеті басым бағыттар бойынша 2021-2023 жылдарға арналған жас ғалымдарды гранттық қаржыландыруға арналған Ғылыми-зерттеу жұмыстарына (ҒЗЖ) конкурс өткізді. Конкурсқа өтінімдер Қазақстанның жетекші университеттерінің, зерттеу орталықтары мен институттарының ғалымдарынан келіп түсті. Грант ұтып алу үшін ғылыми зерттеулердің өзектілігін дәлелдеп, практикалық маңыздылығын негіздеу қажет болды.

Конкурс қорытындысы бойынша ғылымның басым бағыттары бойынша Ұлттық ғылыми кеңестердің шешімімен ППУ ғалымдарының 3 жобасы мақұлданды:

Джарасова Гүлжан Сағидоллақызы – «Орта мектептерде оқытудың сапасына математика мұғалімдерін даярлаудың жоғары оқу орындары бағдарламаларының жаңартылған мазмұнының әсерін интегралды зерттеу» – 4915522,0 теңге;

Мұхамедиева Қымбат Мәуленқызы –  «Бағдарламаланған цифрлық білім беру ресурстарын әзірлеуде толықтырылған нақтылықты қолдану әдіснамасы»  – 4988610,0 теңге;

Ең үлкен грантты 9,0 млн теңге сомасына жаратылыстану ғылымдары саласындағы ғылыми зерттеулерді қаржыландыруға жаратылыстану жоғары мектебінің доценті, PhD докторы Асылбаев Руслан Намысұлы жеңіп алды.

Алдағы зерттеу жобасының тақырыбы "жоғары энергиялы иондармен сәулелендірілген кальций фториді мен магний оксидінің кең диэлектрлік монокристалдарындағы радиациялық процестерді зерттеу" деп аталады. Проект мақсаты – абсорбциялық және люминесценттік спектроскопия, импульсті катодолюминесценция, жоғары энергиялы иондармен сәулелендіру кезінде ақау түзудің әртүрлі механизмдері бар кальций фториді мен магний оксидінің кең желілі монокристалдарында ақауларды жинақтау және радиациялық құру процестерінің термобелсенді спектроскопиясы әдістерімен кешенді зерттеу болып табылады.

Жобаның жұмыс тобының құрамында "Физика" білім бағдарламасының 2 курс докторанты Анаева Эльмира Шайхысқаққызы бар. Жобаны іске асыру Л.Н. Гумилев атындағы Еуразия ұлттық университетімен бірлесіп жасалады.

Руслан Намысұлын осы жеңісімен құттықтаймыз және алдағы уақытта жобаның сәтті іске асырылуын тілейміз!