ППУ ОҚЫТУШЫЛАРЫ ҚЫЗЫЛОРДА ОБЛЫСЫНА БАРДЫ

14.07.2022

Павлодар педагогикалық университетінің оқытушылары еліміздің оңтүстік аймақтарында үгіт-насихат жұмыстар жүргізуде. Дәл қазіргі уақытта педагогика жоғары мектебінің оқытушылары Арай Рахымжанова мен Бибігүл Солтанбаева Қызылорда облысын аралап, мектеп түлектерімен кездесуде.
-Бізді қызылордалық әріптестеріміз өте қуанышпен қарсы алды. Жас түлектердің солтүстік өңірлерге деген қызығушылықтары ерекше. Бізге Қызылорда қаласындағы «Қорқыт ата» университетінің бірінші қабатынан орын берді. Сол жерде мектеп түлектеріне «Серпін» бағдарламасы бойынша кеңес берудеміз,-дейді Арай Бейсенбайқызы.
Бүгінгі күнге дейін оншақты талапкерге кеңес беріліп, төрт түлек ППУ-ға құжат тапсыруға тіркелген.