«МЕНІҢ УНИВЕРСИТЕТІМ» ПОЭЗИЯ БАЙҚАУЫ

15.04.2022

Е. Бекмаханов атындағы ғылыми кітапхана Павлодар педагогикалық университетінің 60 жылдығына арналған «Менің университетім» ақындар мүшәйрасын өткізді.

Поэзия кешіне Павлодар педагогикалық университетінің  Гуманитарлық ғылымдар жоғары мектебі мен М.Қанапиянов атындағы жоғары колледжінің студенттері қатысты.

Жас дарындар білім алып, үлкен өмір жолына қанат қақтырған оқу орнына деген сүйіспеншіліктері мен алғыстарын поэзия тілімен білдірді.

Мүшәйраға әртүрлі тақырыпта жазылған өлеңдер түсті. Бұл сүйікті университетке, туған жерге, ұстаздарға, курстастарға арналған өлеңдер, студенттік алғашқы махаббат сезімі де бар.

Байқау комиссиясының шешімімен М.Қанапиянов атындағы жоғары колледжінің студенті Жәнібек Есенгелді І орын иегері атанды. ІІ орынды Гуманитарлық ғылымдар жоғары мектебінің студенті Нәби Зейнеп иеленді.  III орын Гуманитарлық ғылымдар жоғары мектебінің студенті Сабырбай Данаға бұйырды. Шығармашылық байқаудың жеңімпаздары мен жүлдегерлеріне құнды кітаптар табысталды.

Барлық шығармашыл, дарынды студенттер алғыс хаттармен марапатталды.

Байқауды байқау комиссиясының төрағасы, Гуманитарлық ғылымдар жоғары мектеп деканының тәрбие ісі және әлеуметтік мәселелер жөніндегі орынбасары Данияр Кенжеалиев қорытындылап, сайыскерлерге шығармашылық табыс тіледі. Бүгінгі іс-шараның жастарды отансүйгіштік, туған жерге, өз оқу орнына және болашақ ұстаз мамандығына деген сүйіспеншілік рухында тәрбиелеуде маңызы зор екенін айтты.