ПМПУ ҚАБЫЛДАУ КОМИССИЯСЫ ОНЛАЙН-КОНФЕРЕНЦИЯЛАР ӨТКІЗУДЕ

20.04.2020

ПМПУ Қабылдау комиссиясы өткен аптада күн сайын 9-11 сынып оқушылары арасында конференциялар өткізді. Шараға Ертіс  ауданының: Ертіс ауылының №2,3,4 жалпы орта білім беру мектебі және Қарақұдық, Қызылжар, Панфилов, Қосағаш жалпы орта білім беру мектептері қатысты. Сондай-ақ, Екібастұз қалалық №28 мектебінің оқушылары мен ата-аналарына түсіндірме жұмыстары өткізілді. Конференция барысында ПМПУ-ға түсу жолдары мен оқу ордасының білім бағдарламасымен танысты. Қатысушылар тарапынан жыл сайынғы білім грантының саны, педагогикалық мамандыққа түскісі келетін талапкерлердің тапсыруға тиіс негізгі пәндері мен арнайы емтиханды тапсыру форматы жайлы сұрақтар көп болды.