PGCE ОҚУ ЖЫЛЫНЫҢ АШЫЛУЫ

26.09.2025

Марғұлан университетінде PGCE бағдарламаларын тыңдаушылар үшін оқу жылы басталды. Ағымдағы оқу жылында қайта даярлау бағдарламасына 46 тыңдаушы түсті. Бұл өткен жылмен салыстырғанда 20%-ға көп, бұл мұғалім мамандығына деген қызығушылықтың артқанын көрсетеді. Оқыту гибридті форматта өтеді, алғашқы күннен бастап тыңдаушылар педагогикалық блокқа еніп, практика базаларына барады.
2023 жылдан бастап ЖОО Астана қаласының "Педагогикалық шеберлік орталығы" ЖМ-мен серіктестікте мамандыққа бүйірден кіру бағдарламасын жүзеге асыратындығын атап өткен жөн. Биыл осы курсқа 110 тыңдаушы қабылданды.
Академиялық мәселелер жөніндегі проректор Ольга Андрющенко қатысушыларды оқу жылының басталуымен құттықтап, оқуда табыс тіледі және оқытуды Педагогикалық шеберлік орталығының жоғары білікті оқытушылары мен жаттықтырушылары жүргізетінін атап өтті. Бұл тыңдаушыларға сапалы білім алуға және білім беру ұйымдарына жұмысқа орналасуға мүмкіндік береді.