"ПЕДАГОГИКАЛЫҚ ШЕБЕРЛІК" БАЙҚАУЫНЫҢ ЖЕҢІМПАЗДАРЫ АНЫҚТАЛДЫ

05.01.2024

Бүгін Марғұлан университетінде "Педагогикалық шеберлік" байқауының қорытынды кезеңі өтіп, жеңімпаздар анықталды. Байқау 2023 жылдың 27 қарашасында басталған еді. Марапаттау шарасына университеттің стратегия және әлеуметтік жұмыс жөніндегі проректоры Серік Ильясов қатысты.
Қорытынды 3-кезеңде конкурсқа қатысушылар "ЖОО имиджін қалыптастырудағы менің рөлім" тақырыбында өз презентацияларын көрсетті және қатысушыларды қолдауға келген әріптестер мен студенттердің аудиториясымен көпшілік шеберлік сыныбын өткізді. Конкурстың барлық қатысушылары берілген тапсырмаларды тамаша орындап шықты деуге болады. 

Сонымен, 1-орынды б.ғ.к., қауымдастырылған профессор Қабиева Салтанат Жұмабайқызы жеңіп алды. 2-орынға т. ғ. к. Күзембаев Нұркен Ерболұлы иелік етті.  3-орын педагогика ғылымдарының магистрі Кәрімова Әсемгүл Жамбылқызына бұйырды. Жеңімпаздарға ақшалай сыйлықтар табысталса, қатысушылар Алғыс хаттармен марапатталды.