ПЕДАГОГИКАЛЫҚ СЫНЫП ОҚУШЫЛАРЫ ЖЕҢІМПАЗ АТАНДЫ

02.04.2024

Астана қаласының №26 орта мектебінде ІІ жастар форумы өтті. Бұл форумның мақсаты - мектеп және ЖОО мұғалімдері мен оқытушылары педагогикалық сабақтарды оқыту бойынша практикалық тәжірибесімен алмасу болды. Форум нәтижесінде Баянауыл ауданы Майқайың кентіндегі М.Әуезов мектебінің педсынып оқушылары үздік өнер көрсетіп, жеңімпаз болды.
Форумда студенттер мен мұғалімдерге арналған интерактивті педагогикалық платформалар ұсынылды; шақырылған мектеп оқушылары командасының қатысуымен интерактивті шеберлік сабақтары өтті. Форум барысында Астана, Теміртау, Рудный, т.б мектептердің өкілдері баяндама жасады.
Форум нәтижесінде Павлодар облысы намысын қорғаған Баянауыл ауданы Майқайың кентіндегі М.Әуезов атындағы орта мектептің командасы өздерінің шығармашылық қабілеттерін жоғары деңгейде көрсетіп, 1 орынға ие болды. Еске сала кетейік, жеңімпаздар М.Әуезов орта мектебінің Марғұлан университетімен бірлесіп ашқан педагогикалық сыныбының оқушылары.
Майқайың кенті М.Әуезов атындағы орта мектеп директоры С.С.Мажитова, Марғұлан университеті кәсіптік бағдар беру бөлімінің меңгерушісі Г.К.Мусанова, мұғалімдер А.Е. Мандаева және Ж.Т. Қалиева секциялық бөлімде өздерінің жұмыс тәжірибесімен бөлісті. Мектептер тарапынан университет пен орта мектептер арасындағы бірлескен жұмыстарын жоғары бағалады.
Айта кету керек, қазір Астанада 50 мектепте педагогикалық сыныптар ашылған, бұл елорда мектептеріндегі мұғалімдердің тапшылығына байланысты.