«ПЕДАГОГИКАЛЫҚ ШЕБЕРЛІК» КОНКУРСЫ ЖАЛҒАСУДА

21.12.2023

Әлкей Марғұлан атындағы Павлодар педагогикалық университетінде 2023 жылғы 27 қараша мен 2024 жылғы 5 қаңтар аралығында оқытушы-профессорлар құрамының арасында «Педагогикалық шеберлік» конкурсы өтуде.

Мақсаты - жоғары кәсіптік білім беру сапасын арттыру, педагогтің оң имиджін қалыптастыру, педагогикалық тәжірибені анықтау және тарату, ЖОО оқытушысының кәсіби шеберлігін ынталандыру болып табылады.

Конкурс үш кезең бойынша өтіп жатыр. Осы аптада конкурстың 2 кезеңінің талаптарына сәйкес комиссия мүшелері қатысушылардың сабақтарына қатысып, олардың білім беру жүйесіндегі ерекшеліктеріне, оқу барысында қолданатын әдістемесіне баға берді. Енді конкурстың үшінші кезеңі қалды. Онда сайстың қорытынды бөлімі болады және және жеңімпаздарды марапаттау рәсімі өтеді. Көптен күткен соңғы кезеңін 2024 жылдың 5 қаңтарында өткізу жоспарлануда.