ПАВЛОДАРДА ЖАНАТ УСИНДІ ЕСКЕ АЛУҒА АРНАЛҒАН ЕРКІН КҮРЕСТЕН РЕСПУБЛИКАЛЫҚ ТУРНИР ӨТТІ

04.12.2019

>Павлодарда еркін күрестен КСРО спорт шебері, халықаралық дәрежедегі спорт шебері, Қазақстан Республикасының еңбек сіңірген жаттықтырушысы, академик, педагогика ғылымдарының докторы, профессор Жанат Усинді еске алуға арналған республикалық турнир өтті. Жарысқа Қазақстанның түкпір-түкпірінен 170 үздік балуан қатысты. Олардың қатарында Нұрқожа Қайпанов, Ғалымжан Өсербаев, Олег Болтин, Мейіржан Әшіров, Азамат Дәулетбеков, Нұрғали Нұрғайұлы, Елісхан Чилаев, Бақтияр Ізбасаров сияқты олимпиада ойындары мен әлем чемпионаттарында, сондай-ақ, еліміде үздік танылып жүрген балуандар бар. Турнирге қатысушыларды Павлодар облысы әкімінің орынбасары Асхат Оралов құттықтап, спортшыларға сәттілік тіледі. Павлодар облысының ұлттық құрамасының жаттықтырушылар штабында атап өтілгендей Ж.А. Усин атындағы турнир 2020 жылы ақпанда Қытайда өтетін Азия чемпионатына іріктеу кезеңі ретінде қарастырылады. Жарыс нәтижесі бойынша біздің университеттің түлегі Мамед Ибрагимов 97 кг салмақ дәрежесінде сәтті өнер көрсетіп, республикалық турнирдің финалына шықты. Біздің түлектеріміздің тағы бірі Абдыманап Байгенжеев 86 келі салмақ дәрежесінде 3-орынға ие болды. Осылайша павлодарлық палуандар Токиода өтетін Олимпиада ойындарына лицензия алатын 2020 жылы ақпанда Қытайда өтетін Азия чемпионатына қатысуға мүмкіндік алды. Усин Жанат - КСРО спорт шебері, Қазақстанның бірнеше дүркін чемпионы, Орта Азия ойындарының екі дүркін күміс жүлдегері, КСРО чемпионаты мен халықаралық турнирлердің жүлдегері, 2006 жылғы әлем чемпионы. Ол Павлодар мемлекеттік педагогикалық университетінде Республикалық студенттік ойындарында сәтті өнер көрсеткен көптеген спортшыларды дайындады. Жанат Амангелдіұлы сонымен қатар фристайл және грек-рим стиліндегі білікті балуандарды дайындады, олардың ішінде: Ибрагимов М., Кабатаев Е, Сурумбетова А., Байкенжиев А., Өскенбаев Т., Смаканов Е сияқты балуандар бар. Жанат Усиннің отбасы мен туыстары университет басшылығына, Өнер және спорт Жоғарғы мектебінің деканына турнирді өткізуге көрсеткен көмегі үшін алғыс білдіреді.