Павлодар педагогикалық университетінде Нұр-Сұлтан қаласы бойынша АҚШ елшілігінің мәдениет және білім беру бойынша атташесі Эмбер Орамен, сондай-ақ ағылшын тіліндегі бағдарламалардың үйлестірушісі Ольга Патеровамен кездесу өтті

09.09.2021

Павлодар педагогикалық университетінде  Нұр-Сұлтан қаласы бойынша АҚШ елшілігінің мәдениет және білім беру бойынша атташесі Эмбер Орамен, сондай-ақ ағылшын тіліндегі бағдарламалардың үйлестірушісі Ольга Патеровамен кездесу өтті.
АҚШ -тың Қазақстандағы дипломатиялық миссиясында Эмбер мәдени, білім беру және кәсіби алмасу бағдарламаларын, сонымен қатар халықаралық ғылыми және білім беру жобаларын бақылайды.
Кездесу барысында тараптар оқытушылар мен студенттерге арналған «English Language Fellow», «Fullbright Scholar Program» және «Global UGRAD» бағдарламалар бойынша ынтымақтастық туралы мәселелерді талқылады.
Алдыңғы жылдары Сюзан Аррер мен Джадсон Райт біздің университетте «English Language Fellow» бағдарламасы бойынша сабақ берді. «Дефектология» мамандығының студенті Айжан Нұрбаева  2021 жылы «Global UGRAD» бағдарламасының жеңімпазы атанды.
Осындай бағдарламалар оқу орнымыздың және студентердің дамуына үлес қосатыны анық.