Павлодар педагогикалық университетінде қала оқушыларына арналған экскурсия өтті

20.12.2021

Павлодар педагогикалық университетінде Оқу-өндірістік комбинатымен бірлесіп Павлодар қаласының мектеп оқушылары үшін экскурсия ұйымдастырылды.

Іс-iара болашақта мұғалімдік мамандық таңдауды жоспарлаған 11-сынып оқушылары үшін білім саласындағы мамандықтар айлығы аясында өтті.

Экскурсия Павлодар педагогикалық университетінің қабылдау комиссиясының жауапты хатшысы Гүлнар Мұсанованың кіріспе сөзімен басталды. Гүлнар Манатқызы оқыту заманауи жабдықтармен және компьютерлермен жабдықталған зертханалар мен аудиторияларда жүргізілетінін атап өтті.

Павлодар педагогикалық университетінде облыстағы ең бай Е.Бекмаханов атындағы ғылыми кітапхана, халықаралық жарыстарда ел намысын қорғап жүрген Қазақстан чемпиондары шыққан жүзу бассейні бар атақты спорт кешені істейді. Кампуста студенттер тұратын жайлы жатақханалар бар.

Гүлнар Манатқызы өз сөзінде балаларды оқуға түсуге қажетті құжаттармен, оларды тапсыру мерзімдерімен таныстырып, студенттерге мамандықты дұрыс таңдау, білім гранттарын мамандықтар бойынша бөлу ерекшеліктері туралы айтып берді.

Экскурсия Е.Бекмаханов атындағы ғылыми кітапхананың оқу залдарын аралаумен жалғасып, балалар студенттерді сабаққа дайындау барысын бақылай алды.

Оқушылар университеттің шетел университеттерімен бірлескен зерттеулер жүргізілетін ең бірегей зертханаларын өз көздерімен көруге мүмкіндік алды.

Экскурсияны «Химия және география» ОП жетекшісі, х.ғ.к. Жаратылыстану ғылымдары жоғары мектебінің доценті Роза Мұқанова өткізді.

Кездесу соңында оқушылар оқуға түсуге қатысты сұрақтарына жауап ала алды.

Балалардың айтуынша, оларға ДНҚ сараптамасынан бастап, қоршаған ортадағы ауыр металдарды анықтау арқылы қоршаған ортаның экологиялық мониторингіне дейінгі ғажайып ғылыми тәжірибелер жүргізілетін университет зертханалары қатты әсер етті.

Оқушыларға шетелдік университеттерде тағылымдамадан өту мүмкіндіктері, сондай-ақ әркім өз қабілетін көрсете алатын көптеген жастар ұйымдары, волонтерлік жобалар ұнады.

Павлодар педагогикалық университетінің студенттері мамандық бойынша құнды білім алып, ғылыммен айналысып қана қоймай, сонымен қатар қызықты, жарқын және оқиғаға толы студенттік өмірді өткізеді, спортта және шығармашылықта өздерін көрсетеді.