Павлодар педагогикалық университетінің студенттері "Шеберлікке шек жоқ" дәстүрлі қолөнер фестивалінде өз жұмыстарын ұсынды

27.10.2021

Павлодар педагогикалық университетінің "Көркем еңбек" білім беру бағдарламасының түлектері, студенттері мен оқытушылары Қазақстан Республикасы Тәуелсіздігінің 30 жылдығы аясында өткен "Шеберлікке шек жоқ" дәстүрлі ерлер қолөнерінің облыстық фестиваліне қатысты. Іс-шараны "Ertis"облыстық мұражайы ұйымдастырды. Көрмеде ағаш, тері, сүйек және металл материалдарын көркем өңдеу бойынша шығармашылық жұмыстар ұсынылды. Негізгі Қатысушылар педагогикалық қызметті Қазақ ұлттық шығармашылығымен табысты үйлестірген Павлодар педагогикалық университетінің түлектері болды. Павлодар педагогикалық университетінде студенттерді халықтың рухани-мәдени құндылықтарына баулу, дәстүрлі қазақ қолөнері мен технологияларын меңгеру үшін барлық жағдайлар жасалған, көркем еңбек мұғалімдерін білікті даярлау үшін кадрлық және материалдық-техникалық ресурстар жасалған.