Павлодар педагогикалық университетінің студенті тоғызқұмалақтан Азия чемпионы атанды!

25.12.2021

Павлодар педагогикалық университетінің Өнер және спорт жоғары мектебінің ДТжС-13 тобының 1 курс студенті Жәмилә Баилдяшева тоғызқұмалақтан Азия чемпионатының жеңімпазы атанды.
Ақтөбеде өткен ересектер, жастар және жасөспірімдер арасындағы жарысқа Ресей, Қырғызстан, Түркия, Қытай, Моңғолия, Ауғанстан, Түрікменстан, Үндістан сынды 12 елден 200-ден астам спортшы қатысты.
Ересектер мен жасөспірімдер арасындағы чемпионат үш номинация бойынша өтті: классикалық, блиц, рапид. Чемпионат қорытындысы бойынша «Рапид» номинациясында барлық жүлделерді Қазақстан спортшылары иеленді. Олардың қатарында тоғызқұмалақтан Азия чемпионы атанған Жәмилә Баилдяшева да бар.

Жәмилә спортшыны Азия чемпионатына дайындаған бапкері Ардақ Шәріпұлы Қапашевқа алғысын білдіреді. "Чемпионат 7 турдан тұрды. 1-ші раундта жеңіліп, қобалжыдым, енді орын алуға мүмкіндік аз болды деп ойладым. 2-ші кезеңнен 5-ші кезеңге дейін қарсыластарымды жеңіп, 5-ші орындар үшін күресті. Нәтижесінде мен оларды 6-шы және 7-ші раундтарда жеңіп, Чемпионатқа ие болдым», - деді Жәмилә.