Павлодар педагогикалық университетінің студенті республикалық волонтерлар байқауының жеңімпазы атанды

03.12.2021

Павлодар педагогикалық университетінің Жоғары гуманитарлық мектебінің ШТА-43 тобының студенті Перизат Жұмабай еріктілер арасындағы Республикалық байқаудың жеңімпазы атанып, Павлодарды Түркиядағы Халықаралық диалог алаңында таныстырды.

25-27 қарашада Ыстамбұл қаласында Ұлттық еріктілер желісінің «Қазақстанның мүдделерін әлемдік деңгейде ілгерілету мақсатында волонтерлік ұйымдардың халықаралық диалог алаңдарына қатысуы» әлеуметтік жобасының финалы өтті.
Алғашқы күні «Tugva» жастар қорының директоры Enes Eminoglu мырзамен кездесу ұйымдастырылды. «Tugva» Жастар Қоры 81 провинция мен 571 ауданда ұйымы бар Түркиядағы ең үлкен ерікті ұйым.

Жалпы қорда 30 мыңнан астам ерікті жұмыс істейді. Бір жылда олар 227 486 мың жобаны жүзеге асырған. Келесі күні Түркиядағы спорттық волонтерліктің негізін қалаушы, сондай-ақ осы пәннің оқытушысы Шенол Гүнешпен кездесу өтті. Қонақ волонтерлар ұсынылған жобалармен және алдағы жылға арналған жоспарлармен танысып, өз кезегінде Қазақстандағы ұйымы туралы айтып берді.

Қонақ волонтерлар ұсынылған жобалармен және алдағы жылға арналған жоспарлармен танысып, өз кезегінде Қазақстандағы ұйымы туралы айтып берді. Іскерлік кездесуден кейін бас және әйгілі «Айя-София» мешітіне, сонымен қатар қаланың басты көрікті жері «Топкапы Сарайына» және қала бойынша экскурсия болды.