Павлодар педагогикалық университетінің профессоры мұрағат істері және құжаттаманы басқару комитеті төрағасының Алғыс хатымен марапатталды

09.12.2021

Павлодар педагогикалық университетінің Гуманитарлық ғылымдар Жоғары мектебінің профессоры, тарих ғылымдарының докторы Гүлфира Өтепова "Қазақстан Тәуелсіздігіне 30 жыл: Тарих толқынындағы тұлғалар"атты Халықаралық ғылыми-практикалық офлайн-онлайн конференция жұмысына белсенді қатысқаны үшін Қазақстан Республикасы Мәдениет және спорт министрлігінің мұрағат істері және құжаттаманы басқару комитеті төрағасының Алғыс хатымен марапатталды.

Қазақстан Республикасы Тәуелсіздігінің 30 жылдығын мерекелеу аясында Қазақстан Республикасы Мәдениет және спорт министрлігі Мұрағаттар істері және құжаттаманы басқару комитетінің "Қолжазбалар және сирек кітаптар ұлттық орталығы" республикалық мемлекеттік мекемесі "Қазақстан Республикасының Тәуелсіздігіне 30 жыл: Тарих толқынындағы тұлғалар" атты Халықаралық ғылыми-практикалық офлайн-онлайн конференциясын өткізді.

Гүлфира Өтепованың айтуынша, аталған конференция-Қазақстанның ғылыми және қоғамдық өміріндегі маңызды ғылыми оқиға. ол қазіргі және болашақ ұрпақтың тарихи санасын қалыптастыруда тарихи білімді танымал етуге үлес қосады. Ол фарабитанушы-ғалым Ақжан Әл-Машанидің туғанына 115 жыл толуына арналған. "Рухани жаңғыру" мемлекеттік бағдарламасы аясында бұл іс - шара еліміздің ұлттық тарихын және тұлғаның тарихтағы рөлін терең түсінуге мүмкіндік берді", - дейді Гүлфира Елубайқызы.

Іс-шараға белгілі қоғам қайраткерлері, көрнекті ғалымдар, халық қалаулылары, түрлі ведомстволардың өкілдері қатысты. Конференция барысында Ақжан Әл-Машаниге арналған бейнеролик және "ұлы ғалым Ақжан Әл-Машанидің мұрасы", "жазба ортағасырлық деректердегі Қазақ мемлекеті"атты көрме ұсынылды.