Павлодар педагогикалық университеті Шәкәрім атындағы университетпен ынтымақтастық туралы меморандум жасады

03.12.2021

Бүгін Павлодар педагогикалық университетіне ректор Бауыржан Ердембеков, оқу ісі жөніндегі проректор Индира Оралқанова және тәрбие ісі және әлеуметтік мәселелер жөніндегі проректор Ісбекк Берікхан бастаған Семей қаласының Шәкәрім атындағы университетінің делегациясы келді.

Сапар барысында басқарма төрағасы – Павлодар педагогикалық университетінің ректоры Жанбол Жилбаев пен басқарма төрағасы – Семей қаласының Шәкәрім атындағы университетінің ректоры Бауыржан Ердембеков білім беру қызметі саласындағы өзара ынтымақтастық туралы келісімге қол қойды.

Қол қойылған меморандум аясында тараптар студенттерге аталған ЖОО-да бакалавриат, магистратура, докторантураның білім беру бағдарламалары үшін белгілі бір пәндерді немесе модульдерді өту мүмкіндігімен білім беру қызметін көрсетуге ниетті. Бакалаврлар, магистранттар және PhD докторанттар оқу кезеңінде бір университеттен екіншісіне оқуға бара алады.

Меморандумды жасасудың негізгі мақсаттары – қайта даярлау, біліктілікті арттыру және қашықтықтан оқыту саласындағы ғылыми-педагогикалық қызметте тәжірибе алмасу және ынтымақтастық, оқытушылар мен студенттермен алмасу, бірлескен курстар мен бағдарламаларды ұйымдастыру.