Павлодар педагогикалық университеті мен «Жас дарын» пікірсайыс қозғалысын дамыту туралы меморандумға қол қойды.

23.09.2021

Павлодар педагогикалық университеті мен Павлодар қаласының "Жас дарын" облыстық мамандандырылған мектебі арасында пікірталас қозғалысын дамыту бойынша ынтымақтастық туралы Меморандумға қол қойылды. Қол қою рәсіміне Павлодар педагогикалық университетінің тәрбие ісі және әлеуметтік мәселелер жөніндегі проректоры Ольга Андрющенко мен облыстық "Жас дарын" мамандандырылған мектебінің директоры Гүлнар Жанғазы қатысты.
Ольга Андрющенконың айтуынша, жыл басында университет ҚР Білім және ғылым министрі Асхат Аймағамбетовтың мектептерде, колледждер мен жоғары оқу орындарында пікірталас қозғалысын жандандыру туралы бастамасын қолдады. Бүгінгі таңда пікірсайыс клубтарын қолдау және дамыту университеттің тәрбие жұмысының ажырамас бөлігі болып табылады.
"Студенттер мен оқушылар арасында пікірсайыс қозғалысын насихаттау зияткерлік ойлау дағдыларын дамытуға, ақпаратты талдауға және командада жұмыс істеуге, қызметтің әртүрлі салаларында сұранысқа ие мамандарды тәрбиелеуге кең мүмкіндіктер береді", - дейді Ольга Константиновна.
Университетте Павлодар облысындағы дебат қозғалысының амбасадоры болып табылатын "Ақиқат" дебат клубы жұмыс істейді. Клуб белсенділерінің бастамасымен әр жоо мен колледжде дебат клубының филиалдары құрылды. Айта кетейік, "Жас Дарын" мамандандырылған мектебінің дебат қозғалысының жетекшісі Молдасапар Шыңғыс, ППУ түлегі, осы қозғалыстың негізін қалаушылардың бірі.