ПАВЛОДАР ПЕДАГОГИКАЛЫҚ УНИВЕРСИТЕТІНІҢ 1985 ЖЫЛҒЫ ТҮЛЕКТЕРІНІҢ КЕЗДЕСУІ ӨТТІ

22.07.2022

Павлодар педагогикалық университеті физика-математика кафедрасының 1985 жылғы түлектері университетке жиналып, кезінде өздері отырып білім алған аудиторияларын тамашалады. Жаратылыстаны жоғары мектебінің деканы Ермек Серікұлының айтуынша, түлектер кездесуі оқу орынның биылғы 60 жылдық мерейтойына орай ұйымдастырылған. Кездесуге сол кездегі студенттерге сабақ берген ұлағатты ұстаз Тамара Ивановна да келіп, алдынан өткен шәкірттерін көріп, бір марқайып қалды. Түлектерді жаратылыстану жоғары мектебінің деканы Ермек Ғабдуллин, кафедра профессоры Жазира Мұқанова қарсы алып, университеттің даму тарихын таныстырды.

- Студенттік шағымыздың өткен жерін көріп, достарымызбен кездесіп, ерекше әсерге бөлендік. Қайта оралмас жастық шағымызды еске алып, ерекше көңіл-күйге бөлендік. Негізі, біздің замандастарымыз 1963 жылы дүниеге келген болса, осы универстет 1962 жылы ашылған. Сонда осы оқу орынмен құрдаспыз деп айтуымызға болады. Сондықтан, біз үшін Павлодар педагогикалық университетінің орны ерекше. Барша университет ұжымын және студенттерді оқу орынның биылғы мерейтойымен құттықтаймын, - деді ППУ түлегі Шәріп Қазымұлы.