ПАВЛОДАР ПЕДАГОГИКАЛЫҚ УНИВЕРСИТЕТІНЕ БАКАЛАВРҒА ҚАБЫЛДАУ АЯҚТАЛДЫ

27.08.2022

Павлодар педагогикалық университетіне бакалавр біліктілігі бойынша оқуға құжат қабылдау аяқталды. Атап айтқанда мектеп бітіруші түлектер стандарт бойынша 4 жылдық оқуға, колледж және жоғары оқу орнынан кейін келгендер қысқартылған бағдарламаға және жұмыс істеп жүргендер дуалды оқуға түсті. Бірақ, магистратура мен докторантураға ақылы бөлімге құжат қабылдау жалғасуда.

Павлодар педагогикалық университеті қабылдау комиссиясы жауапты хатшысының орынбасары Алмас Кенжеғалиннің сөзінше, 31 тамыздан таныстыру аптасы басталады.

- Павлодар педагогикалық университетіне құжат тапсырған талапкерлер ресми түрде студент атанды. Қазіргі таңда топтардың сабақ кестесі әзірленуде. Дайын болғанда топ жетекшілері өз студенттеріне тарататын болады. Сонымен қатар, жатақханаға өтініш беру басталды. Қазір бірінші курс студенттерін орналастыру басталды. Павлодар педагогикалық университетіне оқуға түскен барша талапкерлерді құттықтай отырып, оқулыраны сәттілік тілейміз, - деді Алмас Қайыргелдіұлы.

Еске саламыз, биыл ППУ-ға бакалавр біліктілігі бойынша 460 грант, университеттің ішкі жеңілдігі бойынша 30 грант, «Қазақстан Халқына» қоғамдық қоры бойынша 20 грант, магистратураға 87 грант, докторантураға 9 грант бөлінген.