ПАВЛОДАР ПЕДАГОГИКАЛЫҚ УНИВЕРСИТЕТІНІҢ ҒАЛЫМДАРЫ SATBAYEV UNIVERSITY-НЕ БАРДЫ

08.07.2022

Павлодар педагогикалық университеті еліміздің өзге өңірлеріндегі жетекші жоғары оқу орындарымен тығыз байланыста жұмыс істеуге әрдайым әзір. Өткен айда Алматы қаласындағы ғалымдары Satbayev University-нің ғалымдары Ертіс-Баян өңіріне арнайы іс-сапармен келіп, біздің университет ұжымымен тәжірибе алмасқан болатын. Жақында Павлодар педагогикалық университетінің ғалымдары Алматыға барды. ППУ ғылыми жұмыс және халықаралық байланыстар жөніндегі проректоры Бауыржан Есенгелді бастаған ғалымдары Satbayev University-не табан тіреп, ғылыми зертханаларын аралады. Ғылыми экскурсия барысында көрнекті жерлесіміз Қаныш Сәтбаевтың есімін еншілеген университеттің ғылыми жетістіктерін тамашалап, атқарылған жұмыстар бойынша мол мағлұмат алды деуге болады.
Кездесу қорытындысы бойынша екі университеттің ғалымдарына ғылыми жобаларға бірлесіп өтінім беріп, қолда бар ғылыми зертханаларды пайдалануға мүмкіндік беретін ынтымақтастық туралы Меморандумға қол қойылды.