ПАВЛОДАР ОБЛЫСЫНДА ҚАНДАЙ ПӘННІҢ МҰҒАЛІМДЕРІ ЖЕТІСПЕЙДІ?

19.08.2022

Павлодар өңірінде математика, ағылшын және орыс тілі мұғалімдері жеткіліксіз. Бұл туралы Павлодар облыстық білім беру басқармасының басшысы Самал Айтқазина журналистермен өткен баспасөз мәслихатында айтты деп хабарлайды @Pavlodarnews.kz ақпарат агенттігі.

«Орыс тілінде оқытатын мектептерде бастауыш сынып мұғалімдері тапшы. Сонымен қоса ағылшын тілі, математика және орыс тілі мұғалімдері жеткіліксіз», - деді брифингте білім басқармасының басшысы Самал Айтқазина.
Есесіне, түлектер көп қызығатын, соның салдарынан жұмыс таба алмай жүрген мұғалімдер де бар. Мысалы үшін айтар болсақ, қазіргі уақытта еңбек нарығында қазақ тілінде оқытатын бастауыш сынып мұғалімдері көп. Сондықтан, осы мамандық бойынша білім алған жас педагогтарға жұмыс табу қиынға соғуда.

Міне, сол себепті 11-сынып бітірген түлектер педагогикалық жоғары оқу орындарында мамандық таңдау кезінде тапшы мамандықтарға назар аудару қажет екенін еске саламыз.