ПАРАЛИПИАДА ЧЕМПИОНЫ МАРҒҰЛАН УНИВЕРСИТЕТІНІҢ ДИПЛОМЫН АЛДЫ

13.07.2023

Бүгін Әлкей Марғұлан атындағы Павлодар педагогикалық университетінің түлектеріне диплом тапсыру рәсімі өтті. Білім ошағының 800-ге жуық түлегі ұстаздық біліктілігін растайтын дипломға ие болды.

Биылғы жылы университет түлектерінің қатарында пара-атлетика және триатлон бойынша халықаралық дәрежедегі спорт шебері, мүгедектер арбасында жүгіруден Шанхай ынтымақтастық ұйымы (ШЫҰ) марафонының жеңімпазы Лим Оксана бар.

Оксананың спорттық мансабын 2005 жылы жеңіл атлетикадан басталды. 2017 жылға дейін мүгедектер арбасындағы халықаралық жарыстарда бақ сынады. 2018 жылдан бастап триатлонға ауысты: ядро, диск және найза лақтыру. Биыл Оксана Алматыда өткен Паралимпиада ойындарында да сәтті өнер көрсетіп, бірден үш алтынды жеңіп алды.

Сонымен қатар, спортшы 2009-2018 жылдар аралығында мүгедектер арбасындағы бимен айналысқан. Оксана спорттық бидегі мансабын тастамады, ол оны біраз уақытқа кейінге қалдырды. Оксана спорттың бірнеше түрінен халықаралық дәрежедегі шебер. Оның қоржынында облыстық, республикалық, халықаралық жарыстардың көптеген алтын медальдары бар.

Оксана кәсіби қызметінде ерекше қажеттіліктері бар спортшыларға қолдау көрсетуді, ерік-жігері мықты жас чемпиондарды өз үлгісімен өсіруді армандайды. «Мен психология бойынша бакалавр дәрежесін алып, мүмкіндігі шектеулі спортшылармен спорт психологы болып жұмыс істеуді жоспарлап отырмын», - дейді ол.

Оксананы Павлодар қаласындағы мүмкіндігі шектеулі жандарға арналған спорт клубының жаттықтырушысы, халықаралық дәрежедегі спорт шебері Дубинин Вячеслав Андреевич жаттықтырады. Университеттегі кураторы – Өнер және спорт жоғары мектебінің эксперт- оқытушысы Ольга Чернышова.