ТІЛДЕГІ СҰЛУЛЫҚ ПЕН ҰСҚЫНСЫЗДЫҚ СТАНДАРТТАРЫ ТУРАЛЫ АШЫҚ ДӘРІС

21.04.2022

Гуманитарлық ғылымдар жоғары мектебінің Ғылым онкүндігі шеңберінде филология ғылымдарының докторы, профессор З.К.Темірғазина «Біз кіммен әдемі және ұсқынсыз адамды салыстырамыз: тілдегі сұлулық пен ұсқынсыздықтың эталондары» тақырыбында дәріс өткізді.  Дәріске Павлодар педагогикалық университетінің, Инновациялық Еуразия университетінің, Қарағанды университетінің, П. М.Машеров атындағы (Беларусь Республикасы) Витебск мемлекеттік университетінің белгілі ғалымдары, оқытушылары, аспиранттары, магистранттары, студенттері қатысты. Павлодар облысының мұғалімдері ұсыныс-тілектерін білдірді. Дәріс барысында тілдік, сұлулық пен ұсқынсыздық эталондары талқыланды.