ЖАБАЙХАН МЕН МЕЙРАМХАН ӘБІЛДИНДЕРДІҢ ШЫҒАРМАШЫЛЫҒЫ ТУРАЛЫ АШЫҚ ДӘРІС

21.04.2022

«Тарих» білім беру бағдарламасының доценті, тарих ғылымдарының кандидаты Қанат Қанафин қазақтың белгілі ғалымдары Жабайхан мен Мейірхан Әбділдиннің шығармашылығы туралы ашық дәріс оқыды.

Торайғыров атындағы облыстық кітапханада ұйымдастырылған кездесуге мектеп мұғалімдері, оқушылар және оқырмандар қатысты.

Іс-шараның мақсаты – Әбділдиндердің қазақстандық және әлемдік ғылымдағы орны мен маңызын жастарға жеткізу.

Еске сала кетейік, академик Ж.Әбділдин отандық және әлемдік ғылымда дүниені тану жолдарын ашатын философиялық бағыттағы қазақ диалектика мектебінің негізін салушы ретінде танымал. Оның есімі әлемге белгілі. Академик Мейірхан Әбділдин салыстырмалылық және тартылыс теориясын зерттеуге елеулі үлес қосты.

Дәріс тыңдаған студенттер көкейлерінде жүрген сауалдарын қойып, біртуар жерлестері, әлемге әйгілі ғалым ағалар Жабайхан мен Мейірхан Әбділдиндер өмірінің біраз жайын талқылады.