ӨТКЕНДІ ТАНУ - ӨЗІҢДІ СЫЙЛАУ

16.05.2022

Бүгін Ж.Аймауытов атындағы облыстық қазақ музыкалы драма теарында Алаш қайраткері Әлихан Бөкейхановқа арналған «Ұлтқа қызмет» драмасы сахналанды. Тарихи туындыны С.Сейфуллин атындағы Қарағанды облыстық драма театрының ұжымы алып келіпті.

Қойылымда қазақ халқының аса күрделі тарихи кезеңі, Алаш қайраткерлерінің қазақ автономиясын құру жолындағы большевиктермен арпалысы, Әлихан Бөкейханов, Әлімхан Ермеков бастаған қайраткерлердің қазақ шекарасын бекіту жолындағы жанқиярлық күресі бейнеленген. Сонымен қатар, Қазақ елінің болашағы жолында күресіп, кеңестік жүйенің кері саясатына қарсы тұрған ұлт зиялыларының жаппай жазалауға ұшырауын да тебіренбей, күрсінбей көре алмайсыз. Жалпы көрермен қауым ерекше әсермен тарқасқандай болды.

Қарағандылықтардың тарихи спектакльді жергілікті театрдағы көрсетілімін Павлодар педагогикалық университетінің ректоры Жанбол Жилбаевтың қолдауымен универистет студенттері де барып тамашалады. Себебі мұндай тарихи қойылымдардың жастар қауымы үшін маңызы өте зор.

Қойылым соңында С.Сейфуллин атындағы Қарағанды облыстық театрының ұжымына облыс әкімі Әбілқайыр Сқақовтың атынан алғыс гүлі ұсынылды. Сондай-ақ, облыстық мәдениет, тілдерді дамыту және архив ісі басқармасының басшысы Самал Балғабаева қойылымнан алған әсерін білдіріп, театрт ұжымына алғыс білдірді.