Перейти к содержимому страницы.
    1. Басты
    2. Жаңалықтар
    3. ОТАН ҚОРҒАУШЫ КҮНІМЕН ЕР АЗАМАТТАРДЫ ҚҰТТЫҚТАЙМЫЗ!

ОТАН ҚОРҒАУШЫ КҮНІМЕН ЕР АЗАМАТТАРДЫ ҚҰТТЫҚТАЙМЫЗ!

04.05.2023

Марғұлан университетінде Отан қорғаушылар күніне арналған мерекелік концерт өтті. Университеттің әйелдер қауымы барша ер адамдарды – проректорларды, декандарды, университеттің құрылымдық бөлімшелерінің мамандарын және оқытушыларды арнайы шақырды.
 
Іс-шараны Марғұлан университетінің Бастауыш кәсіподақ ұйымы мен жастар саясаты департаменті ұйымдастырды.
 
Алдымен университеттің академиялық мәселелер жөніндегі проректоры Ольга Андрющенко әріптестерін жылы құттықтап, ер азаматтар Отан қорғауға, университетіміздің гүлденуіне зор үлес қосып жатқанын атап өтті.
«Сіздер өз міндеттеріңізді жауапкершілікпен атқарып, әрқайсысыңыз өз қызметтеріңізде аянбай еңбек етесіздер. Әріптес ретінде бізге көрсеткен қолдауыңыз бен мейірімділіктеріңіз үшін шын жүректен алғыс айтамыз. Сіздерге және жақындарыңызға зор денсаулық, таусылмас қуат, барлық бастамаларыңызға сәттілік тілейміз!», - деді Ольга Константиновна.
 
Осы салтанатты күні Павлодар педагогикалық университетінің ректоры Жанбол Жилбаевтың атынан білікті педагогика кадрларын даярлауға қосқан зор үлесі үшін 25 қызметкер Құрмет грамоталарымен марапатталды. Мерекелік концерт ұжымдағы ер азаматтардың еңбегіне деген құрмет болды. Сахнадан университеттің білікті мамандары саналатын барша ержүрек азаматтарға алғыс сөздер, құттықтаулар мен тілектер айтылып жатты.
 
Қыздар жас жігіттерге арнап «Басы бос қыздар» атты әзіл презентация дайындады. Ер азаматтар «Заман ағымына ілесу», «Дәстүр сақтаушылар», «Ұжымның жасырын резервтері», «Мықты жігіттердің қолынан бәрі келеді!», «Колледж де универ» т.б. номинациялар бойынша марапатталды.
 
Студенттерімізді, оқытушыларды және университет қызметкерлерін мерекелерімен құттықтаймыз. Отан қорғаушылар күні құтты болсын, құрметті әріптестер!