Орыс тілінің әдістемелік апталығының ашылуы

04.10.2021

Павлодар педагогикалық университетінде орыс тілі әдістемелік апталығының салтанатты ашылуы өтті. "Орыс тілі мен әдебиеті" білім беру бағдарламасының жетекшісі Гүлсім Абзулдинованың айтуынша, әдістемелік апталықтарды өткізу – Гуманитарлық ғылымдар жоғары мектебінің жыл сайын өткізілетін дәстүрі. "Мұндай апталар студенттердің назарын ғылымға аудару, практик-мұғалімдердің әдістемелік тәжірибесімен танысуға, болашақ мамандығы мен оқытатын пәні туралы жаңа және қызықты нәрсе білуге мүмкіндік береді",-дейді Гүлсім Кенжебекқызы.

Орыс тілінің әдістемелік апталығының ашылуында "Орыс тілі мен әдебиеті" бөлімінің басшысы Гүлсім Кенжебекқызы Абзулдинова мен Гуманитарлық ғылым жоғарғы мектебінің аға оқытушысы Екатерина Петровна Гаранина құттықтау сөз сөйледі. "Орыс тілі мен әдебиеті" білім беру бағдарламасының студенттері шағын концерт дайындады: төртінші курс студенттері орыс тілі туралы өлеңдер оқыды, ал бірінші және үшінші курс студенттері вальс биледі.

Орыс тілінің әдістемелік апталығы 4-8 қазан аралығында өтеді. 5 қазанда тілдік емес мамандықтар студенттері үшін диктант өткізіледі, 6 қазанда орыс тілі мен әдебиеті мұғалімі, педагог-шебер Гүлнар Еркінқызы Қазкенованың "Барлығы біздің қолымызда" шеберлік сыныбы, 7 қазанда «Орыстың тілі, дүниенің кілті. Абай Құнанбаев». Әдістемелік апталықтың жабылуы 8 қазан, жұма күні жоспарланған.